Хонь: Найз нөхөд болон ойр дотнын хүмүүстээ анхаарал халамж тавихыг хичээ. Элдэв зөрчил маргаан үүсвэл таагүй үр дагавартай гэж од эрхэс сэрэмжлүүлж байна. Хэрэгтэй харилцаа холбоо тогтоох эсэх нь таны тэсвэр тэвчээрээс хамаарна. Бусдын өдөөн хатгалгад бүү авт. Өөртөө итгэж, шийдвэрээ хамгаалж сур.
Үхэр: Өнөөдөр оролцох үйл явдлынхаа гол дүр нь байж болох юм. Таны ирээдүйд чухал нөлөөтэй үйл явдал тохионо. Гэхдээ амьдралд гарах өөрчлөлтийн эерэг ба сөрөг нөлөө нь холимог байна. Таагүй нөлөөлөлд барьц алдалгүй, тайвнаар хүлээж аваарай. Ойр дотнын хүмүүсийнхээ зөвлөгөөг сонсож, дуртай сонирхолтой зүйлээрээ оролдох нь ажлын ядаргаагаа арилгахад тустай байх болно.
Ихэр: Өнөөдөр ажил хэргийн уулзалт тийм ч амжилттай бус болж өнгөрөх төлөвтэй. Зарим нэг асуудлыг шийдэхэд хамаг цаг зав, хүчээ зориулах бололтой. Өмнөх ажлаа шинээр төлөвлөхдөө туршлагатай хүмүүсийг татан оролцуулсан нь дээр. Энэ үед хамтын ажиллагаа танд ашиг орлого авч ирэх болно. Олдсон боломжийг алдаж болохгүй.
Мэлхий: Сэтгэл санаагаа тайван байлгах үе. Материаллаг эд зүйлийн араас хөөцөлдөхөө багасгах хэрэгтэй бололтой. Ойр дотнын найз нөхдөөс тань гомдол ирж магадгүй учир хэл амаа ололцохыг хичээх хэрэгтэй болно. Хувийн амьдралд үл ойлголцол бий болох нь таагүй мэдрэмжийг танд өгнө. Хайр сэтгэлийн харилцаандаа өөрчлөлт хийх хэрэгтэй байж магадгүй.
Арслан: Гэнэтийн мэдээ дуулах эсвэл гэнэтийн бэлэг авах магадлалтай. Санаандгүй байдлаар сайхан санал ирэх нь эргэн тойронд эерэг, таатай уур амьсгал бий болгоно. Цаашдын ирээдүй гэрэлтэй байх мэдрэмжийг төрүүлнэ. Хосууд ойрын үед үүсээгүй романтик орчныг бий болгож амьдралын сайн сайхнаа нэмэгдүүлэх таатай боломж гарч байна. Энэ бүхэн танд улам их эрч хүчийг авчрах болно.
Охин: Зарим нөхцөл байдал холын төлөвлөгөөгөө эргэн харахад хүргэнэ. Шинэ хүнтэй танилцах магадлалтай. Гэхдээ сэтгэл доторхоо дэлгэх гэж яарсны хэрэггүй. Хүсэл мөрөөдөл бодит байдлаас зөрөхөөр байна. Таагүй байдал үүссэн ч биеэ барих хэрэгтэй. Хэрүүл маргаан үүсэх магадлалтай тул аль болох уян хатан байхыг хичээгээрэй.
Жинлүүр: Сайн үйл хэрэг бүтээх чин сэтгэл төрнө. Гэхдээ гэгээн мөрөөдөл бүхэн биелдэггүй гэдгийг бүү мартаарай. Аливаа арга хэмжээг сэтгэл хөдлөлөөр явуулахаа зогсоо. Хүсэж байгаа зүйлээ бодит амьдралтай нийцүүлэхийг од гаригс сануулж байна. Хийж хүчрэхгүй ажлыг өөртөө авахын хэрэггүй. Зарим амлалт хожим таны мөрөн дээр хүнд ачаа болох болно. Эрүүл мэндэд таагүй байдлаар нөлөөлөх хүчин зүйлээс зайлсхий.
Хилэнц: Худалдаа наймаа болон хөрөнгө оруулалт хийхэд сайн. Удаан хүлээсэн мэдээ ирж магадгүй. Таны хүсэл тэмүүллийг зарим хүмүүс буруугаар хүлээн авч магадгүй. Зарим нөхцөл байдал үл ойлголцол, хямралд хүргэнэ. Харилцааны асуудал үүсгэх үл явдлаас зайлсхий. Хайрын харилцаагаа аль болох эерэг байлгах хэрэгтэй. Сэтгэл хөдлөлөө барьж чадаагүйгээс болоод маргаан гарч болзошгүй.
Нум: Гоо сайхны мэдрэмж нэмэгдэнэ. Завгүй амьдралын хэмнэлд өөрийгөө халамжлах цагаа бага байлгах нь сэтгэл санааг тайван биш болгоно. Биеийн эрүүл мэнд, гоо сайхандаа анхаарах шаардлага их байгааг санаарай. Санхүүгийн асуудал сайжирч байгаа тул нөхцөл байдал боломжоор дүүрэн байна. Энэ өдөр ажил мэргэжлийн асуудлаа шийдвэрлэхэд таатай байна. Сонирхолтой ажлын санал ирж болно.
Матар: Хувийн болон ажил төрлийн бүх харилцаа амжилттай байх болно. Сэтгэл санааны байдал ч дагаад сайн болж байна. Элдэв зөрчил маргаан таны амжилтыг мөхөөхгүй бололтой. Харин танд жирийн үеийнхээс илүү ажиллах шаардлага гарах бөгөөд хичээл зүтгэл тань бусдад үнэлэгдэж, сайшаагдана. Харин эрүүл мэнд бүхнээс чухал тул дархлаагаа хамгаалахын тулд сайн амарч бай.
Хумх: Энэ өдөр гэнэтийн үйл явдлаас сэрэмжил. Эрүүл мэндийг байдалдаа анхаарал тавь. Ажил хэргээ огцом сайжруулах гэж зүтгэх хэрэггүй. Зарим нөхцөл байдлын улмаас амжилтад хүрэхгүй байх. Хуучин харилцаа холбоогоо эргэн харж, хийсэн бүтээснээ үнэлж цэгнэ. Шинээр эхэлсэн ажил тодорхойгүй болж магадгүй. Сайн найзууд үнэтэй зөвлөгөө өгөх байх. Бусдад хэдий чинээ тус хүргэнэ төдий чинээ хариу дэмжлэг ирэх болно.
Загас: Өнөөдөр ажил хэргийн амжилтад дан ганц ур чадвараас илүү хичээл зүтгэл хэрэгтэйг сана. Мэргэжлийн ур чадвар байсан ч эрч хүчтэй байдал бас нөхцөл байдлыг сайжруулна. Шинэ танилтай болох чухал уулзалт хийх зэрэг үйл ажиллагаа явагдана. Энэ өдөр таатай мэдээ хүлээж байна. Залуу хүмүүс чөлөөт цагаа зөв зохистой өнгөрүүлэхийг зөвлөж байна.
