Өвлийн адаг шарагчин үхэр сарын нэг цагаан хөх хулгана өдөр
Үс засуулвал: Эд мал баялаг төгөлдөр болно
Наран ургах, шингэх: 08.36:17.28
Барилдлага: Шид
Шүтэн барилдлага: Тийн мэдэхүй
Суудал: Гал
Аргын тооллын 1 сарын 16, Санчир гараг. Билгийн тооллын 3, Чөдөр одтой, хөх хулгана өдөр. Өдрийн наран 8 цаг 36 минутад мандан, 17 цаг 28 минутад жаргана. Тухайн өдөр луу, бич жилтнээ аливаа үйлийг хийхэд эерэг сайн ба гахай, хулгана жилтнээ сөрөг муу нөлөөтэй тул аливаа үйлд хянамгай хандаж биеэ энхрийлүүштэй. Эл өдөр буян номын үйлд шамдах, бүтээл туурвил эхлэх, худалдаа арилжаа хийх, бизнес эхлэх, зэрэг дэвших, угаал үйлдэх, хүүхэд үрчлэн авах, урлан бүтээхэд сайн. Улааны үйл, төлөг тавих, морь уралдахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал эд мал баялаг төгөлдөр болно.
