Завхан аймгийн Шилүүстэй суманд зөөвөрлөгдөн ирж бүртгэгдсэн “ковид-19” халдвартай хоёр иргэний биеийн байдал хэвийн байна гэж Шилүүстэй сумын Шуурхай штабаас мэдээлэв.
“Дээрх иргэд нь одоогоор ямар нэгэн эмнэлзүйн шинж тэмдэг илрээгүй байна. Нэгдүгээр хавьтлын 11, хоёрдугаар хавьтлын 35 иргэнийг тусгаарласан байна. Нэг хоёрдугаар хавьтлын иргэдийн биеийн байдал хэвийн, түргэвчилсэн шинжилгээний хариу сөрөг гарч байна. Тухайлбал нэгдүгээр хавьтлын иргэдийн PCR шинжилгээний хариу өчигдөр сөрөг гарсан. Аймгийн төвөөс хариу арга хэмжээ, шуурхай арга хэмжээний багууд суманд ажиллаж байна. ХӨСҮТ-өөс таван хүний бүрэлдэхүүнтэй мэргэжлийн баг Шилүүстэй суманд ажиллахаар ирж байгаа. Тиймээс иргэд та бүхэн буруу ташаа мэдээлэлд автахгүй. Эв нэгдэлтэй байж эрсдэлийг хамтдаа даван туулахыг уриалж байна” гэж сумын Шуурхай штабаас мэдээлэв.
