Улсын Онцгой комиссоос энэ сард болон ирэх сард манай улсад нийлүүлэх вакцины тоо хэмжээг дэлгэрэнгүй танилцуулсан.
Ирэх сарын сүүл гэхэд нийт 1.6 сая тун вакциныг таван өөр үйлдвэрлэгчээс хүлээн авах юм байна. Манай улсад вакцинжуулалт хоёрдугаар сард эхлэн, үргэлжилж байна. Шинэ вакцинууд хүлээн авснаар нийслэлийн 1.5 сая иргэнд хангалттай тун бүхий вакцинтай болно гэдгийг УОК-ын Хэвлэлийн төлөөлөгч Ц.Ганзориг онцолсон юм. Дархлаажуулалтад хамрагдаж буй иргэдийг 30 минут хүлээлгэн, хариу урвал гарах, эсэхийг нь ажиглаж байна. Харин ирэх сард ажиглах хугацаа 30 минутаас буурах тул нэг өдөрт дархлаажуулалтад хамрагдах иргэдийн тоо 2-3 дахин өснө. Өдөрт 80 мянга хүртэл иргэдээ дархлаажуулахаар төлөвлөжээ.
Мөн тавдугаар сарын нэгнээс орон нутагт дархлаажуулалт эхэлнэ.
