Өчигдөр /2021.03.30/ Бүсийн оношлогоо эмчилгээний төвийн салбар лаборатори 188 иргэний сорьцонд PCR шинжилгээ хийхэд 9 иргэнээс Коронавирусний халдвар илэрсэн байна. Одоогийн байдлаар Ховд аймагт батлагдасан тохиолдол нийт 12 болж байна.
"ЭХ СУРВАЛЖ"-ийн мэдээлснээр:
Ихэнх тохиолдлууд нь /7/ анхны тохиолдлын ойрын буюу 72 айлын орон сууцны 4, 5-р орцны иргэд байна.
Хамгийн ойрын гэж үзсэн аймгийн ГХБХБГ-ын ажилчдын шинжилгээний хариу бүгд сөрөг гарчээ.
Үүнээс гадна ЗӨСТ-өөс 100 гаруй иргэнд түргэвчилсэн оношлуураар шинжилгээ хийхэд бүгд сөрөг гарчээ.
Аймгийн Онцгой комисс, Шуурхай штаб холбогдох бусад мэргэжлийн байгууллагууд чиг үүргийнхээ дагуу ажиллаж байна.
Эх сурвалж: Ховд аймгийн Засаг даргын тамгын газар