“Moderna” компани “коронавирус”-ийн эсрэг 500 сая тун хүртэлх вакциныг “COVAX” хөтөлбөрт нийлүүлэхээ мэдэгдлээ.
Бага орлоготой орнуудад вакцины хүртээмжийг нэмэгдүүлэх зорилготой энэхүү хөтөлбөрт “AstraZeneca”, “Pfizer”, “Johnson & Johnson” зэрэг компаниуд вакцинаа нийлүүлж байгаа юм. “Moderna” тохиролцсон хэмжээний багахан хувийг энэ онд нийлүүлэхээр төлөвлөжээ. Тус компанийн вакциныг өнгөрсөн долоо хоногт Дэлхийн Эрүүл Мэндийн Байгууллага бүртгэж, яаралтай горимд ашиглах зөвшөөрөл олгосон юм.
