Цахим сүлжээнд өнөөдөр (2021.10.16) "Шатахууны хомсдол бий болох учраас шатахуунаа нөөцөлж аваарай” гэсэн мэдээлэл тарсан. Эрүүгийн цагдаагийн албаны Кибер гэмт хэрэгтэй тэмцэх хэлтсээс шалгалтын ажиллагаа явуулахад нийт 27 хаягийн 21 нь дээрх мэдээллийг цахим орчинд зохион байгуулалтайгаар түгээсэн болохыг тогтоожээ. Үлдсэн 6 хаягийн эзэн холбогдогч нь “Шатахууны хомсдол бий болох учраас шатахуунааа нөөцөлж аваарай” гэх мэдээлэл түгээснээ мэдүүлсэн байна. Шалгалтын ажиллагаа үргэлжилж байгаа тухай Цагдаагийн байгууллагаас мэдээллээ.
