Хүнс, хөдөө аж ахуй, хөнгөн үйлдвэрийн яамны дэд сайд Г.Батсууриар ахлуулсан "Шуурхай бүлэг" Баян-Өлгий аймагт ажиллалаа.
Хөдөө аж ахуйн болон хот суурин газрын өвөлжилтийн бэлтгэл, орон нутаг дахь коронавирусийн халдварын нөхцөл байдал, хадлан бэлтгэл, малын гоц халдварт өвчний голомт, отор нүүдлийн зохицуулалтыг газар дээр нь үзэж, мэргэжил арга зүйн зөвлөгөө өгөх, хүйтний улирлын цаг агаарын нөхцөл байдалд тулгуурлан зудын эрсдэлийн ерөнхий үнэлгээ хийх ажлын хэсгийн бүрэлдэхүүн ажиллаж, цаг үеийн нөхцөл байдалтай танилцан, үнэлэлт, дүгнэлт, мэргэжил арга зүйн зөвлөгөө өглөө.
