2021.10.15-10.21 өдрүүдэд буюу сүүлийн долоо хоногийн хугацаанд нийт 3046 автомашин, 982 вагон нүүрс хилээр нэвтэрсэн байна. Үүнийг өмнөх долоо хоногийн үзүүлэлттэй харьцуулахад автомашинаар тээвэрлэсэн экспорт 10 гаруй хувь, төмөр замаар тээвэрлэсэн экспорт 70 гаруй хувиар өссөн байна. Мөн он гарснаас хойшх хугацаанд /2021.01.01-10.21/ нийт 1,071.4 мян.тн зэсийн баяжмал, 6,129.2 мян.тн төмрийн хүдэр экспортолжээ. Өнгөрсөн долоо хоногт нэг тонн зэсийн үнэ Лондонгийн металлын биржид түүхэн дэх хамгийн өндөр ханшаар тэмдэглэгдэж, дундаж ханш 10,013.3 ам.долларт хүрсэн юм.