Цаг үеийн мэдээ

"2023 оны насанд хүрэгчдийн улсын аварга шалгаруулах эрэгтэйчүүдийн 61, эмэгтэйчүүдийн 53 дахь удаагийн тэмцээний хагас шигшээ шатны тэмцээн" 2023 оны 03-р сарын 14-19-ний өдрүүдэд амжилттай зохион байгуулагдаж өндөрлөлөө.

Тэмцээний эрэгтэй ангилалд 102, эмэгтэй ангилалд 70 шатарчин 6 өдрийн турш оюун ухаан, ур чадвараа сорин өрсөлдсөн.

Тэмцээний хаалтын ажиллагаанд Монголын шатрын холбооны ерөнхийлөгч Э.Гурванбаатар, Монголын шатрын холбооны тэргүүн дэд ерөнхийлөгч Б.Наранбаатар, Монголын шатрын холбооны ерөнхий нарийн бичгийн дарга Х.Эрдэнэдорж, Монголын шатрын холбооны дэд ерөнхийлөгч А.Энхтуул, Монгол улсын гавьяат дасгалжуулагч П.Жигжидсүрэн нар оролцсон ба тэмцээний ангилал бүрийн эхний 5 байрыг эзэлсэн тамирчдыг өргөмжлөл, мөнгөн шагналаар шагнаж урамшуулж, шигшээ тэмцээний эрхээ авсан 22 тамирчдад баяр хүргэж, амжилт хүсэв.

Мөн хаалтын ажиллагааны үеэр тамирчид,шүүгчдэд олон улсын шатрын холбооны цол тэмдгийг гардуулж өглөө.

Ингээд дүн гарч ангилал бүртээ эхний 11 байрыг эзэлсэн дараах шатарчид "Шатрын 2023 оны насанд хүрэгчдийн улсын аварга шалгаруулах шигшээ тэмцээн"-д оролцох эрхээ албан ёсоор авлаа.

ЭРЭГТЭЙ АНГИЛАЛ

1.IM С.Ган-эрдэнэ                         8.5 оноо

2.GM С.Билгүүн                             8.0 оноо

3.GM Г.Мөнхгал                            8.0 оноо

4.IM Б.Мөнгөнтуул                       8.0 оноо

5.IM Г.Амартүвшин                      8.0 оноо

6.MK Х.Өлзийхишиг                    8.0 оноо

7.FM Э.Энхнар                              8.0 оноо

8.FM С.Чингүүн                             7.5 оноо

9.FM М.Амилал                             7.5 оноо

10.WIM Т.Мөнхзул                        7.5 оноо 

11.FM Г.Булганхан                        7.5 оноо

ЭМЭГТЭЙ АНГИЛАЛ

1.WCM Г.Мөнгөнзул                    8.5 ооноо

2.WMK Э.Хүслэн                          8.0  оноо

3.WFM Б.Алтантуяа                      8.0 оноо

4.WIM Б.Баярмаа                         7.5 оноо

5.WMK Э.Энхрий                          7.5 оноо

6.WIM Д.Янжиндулам                 7.5 оноо

7.WCM Э.Удвал                            7.5 оноо

8.WFM Д.Мөнхзул                       7.0 оноо

9.WNM М.Мандухай                   7.0 оноо

10.WCM Х.Баясгалан                 7.0 оноо

11.WCM Н.Энхболор                  7.0 оноо

Эдгээр 22 шатарчин дээр 2022 оны насанд хүрэгчдийн улсын аваргууд болох  GM Д.Батсүрэн, WGM А.Энхтуул нар нэмэгдээд эрэгтэй ангилалд 12, эмэгтэй ангилалд 12 шатарчин 2023 оны Монгол улсын аварга цолны төлөө өрсөлдөх учиртай юм.