Хонь: Холимог хандлагатай өдөр. Саад тотгор таныг энэ үед дагана. Санхүүгийн нөхцөл байдалдаа анхаарлаа хандуул. Ирээдүйдээ зориулж мөнгөө хадгалахын тулд төсвөө зөв зарцуул. Хэрвээ та алдаа гаргаж байсан бол үүссэн нөхцөл байдлыг зохицуулах төлөвлөгөө боловсруул. Зарим хүмүүс буруу мэдээллийн араас хөөцөлдөх магадлалтай бол болгоомжтой байх хэрэгтэй.
Үхэр: Өнөөдөр өмнөх үйл ажиллагаагаа дүгнэн цэгнэхэд таатай байх болно. Энэ үед анхаарал сулрах хандлагабайгааг тооцох хэрэгтэй байна. Үүссэн асуудлыг хурдан шийдэх хэрэгтэй бөгөөд даамжруулж болохгүйг сана. Өөрийн дуртай хоббиндоо цаг гарга. Хайр сэтгэлийн харилцаа хэвийн байна. Ганц бие хүмүүс романтик болзоо төлөвлөх бололтой.
Ихэр: Амаргүй үүрэг хариуцлага таны эрх чөлөөг боож байгаа мэт санагдах болно. Гэхдээ хувь хүний ухамсар хамгийн чухал гэдгийг санаарай. Тэсвэр хатуужилтай бөгөөд уян зөөлөн бай. Уйгагүй үйл ажиллагааны үр дүнг үзээд та өөрөө ч гайхширах болно. Хэрэгтэй үед сайн найз тань их тус хүргэнэ. Бусдын тусламжийг авахаас бүү татгалз.
Мэлхий: Өнөөдөр аз сорих хүсэлд автана. Төрөлхийн азтай хүн ч өнөөдөр саад тотгортой учирна. Харин өөрийн хүчээр бүх зүйлийг бий болгож чаддаг хүмүүсийг амжилт дагах нь гарцаагүй байна. Амжилтын үзүүрээс атгаж чадсан бол эрч хүчээ сулруулахгүй байхыг од эрхэс зөвлөж байна. Хийхээр төлөвлөсөн ажлаа бүү хойш нь тавь.
Арслан: Хууран мэхлэлт, хов жив гарах магадлалтай өдөр. Ойрын үед болох үйл явдал таны хүссэнээр өрнөхгүй бололтой. Таагүй үйл явдлын өрнөлд оролцохгүй байхыг од эрхэс зөвлөж байна. Ихэнх таагүй явдлууд өөрөө аажимдаа арилах бололтой. Харин холоос авах мэдээ хувийн амьдралд тань сайхан өөрчлөлт дагуулж ирнэ. Гарсан боломжийг бүү алд.
Охин: Харилцаа холбоо болон албан уулзалтад саад учирна. Эдгээр асуудлыг зохицуулах хамгийн сайн арга зам нь уян хатан байх юм. Хэрэгтэй үед гарч ирсэн тусламжийг хүлээж авахдаа хэтэрхий бардам зан гаргах хэрэггүй. Мөн таны дотоод мэдрэмж энэ цаг үед хамгийн чухал хүчин зүйл байна. Өрсөлдөгч нарын үйлдлийг урьдчилан мэдрэх юм бол танд амжилт олох боломж гарч ирнэ.
Жинлүүр: Шинэчлэл хийхийн өмнө өөрийн байр сууриа бататгах хэрэгцээ гарна. Хэн нэгнээс таны албаны болон хувийн байр суурь хэт хамааралтай болохоос зайлсхий. Ажил хэргээ огцом сайжруулах гэж зүтгэх хэрэггүй. Тодорхойгүй нөхцөл байдлын улмаас амжилтад хүрэхгүй байх магадлалтай. Харилцаа холбоогоо эргэн харж, хийсэн ажлынхаа үр дүнг үнэлж цэгнэ. Хуучны түншүүд үнэтэй зөвлөгөө өгнө
Хилэнц: Мэргэжлийн үйл ажиллагаа доголдож магадгүй. Хэт ачаалалтай ажиллах үед алдаа гаргах магадлал байгаа бөгөөд ажил амралтаа зохицуулах хэрэгтэйг од эрхэс сануулж байна. Өнөөдөр таныг тэнцвэрт байдлаас гаргаж, хүсэл мөрөөдлөө биелүүлэх боломжгүй болгодог шалтгааныг эргэцүүлэн бодоорой. Гэхдээ хийсвэр төсөөллийг бодит байдалтай хутгаж болзошгүйг од эрхэс анхааруулж байна.
Нум: Энэ өдөр буруу хэв маягаас аль болох татгалзах өдөр. Сайн үйлийн сайхан сэтгэгдэл таныг амар тайван болгоно. Ойр дотнынхоо хүмүүст анхаарлаа хандуул. Хүмүүсийн хайр хүндлэл танд өөдрөг байдал, эерэг цэнэгийг өгнө. Холоос сонирхолтой мэдээлэл ирж баярлуулна.
Матар: Энэ өдөр эрч хүч дүүрэн байх болно. Бизнесийн үйл ажиллагаа явуулах болон худалдаа наймаа хийхэд тохиромжтой. Та өөрийн үйл ажиллагааг хүмүүст ойлгуулахад тийм ч хэцүү биш байх болно. Чухал ажил хэргээ анхаарлын төвдөө ав. Учир нь яг одоо таны гаргах шийдвэр хойшдын ажилд маш их үүрэгтэй байна.
Хумх: Өнөөдөр аливаа үйл ажиллагаа эрсдэлтэй мэт санагдана. Энэ хандлагыг газар авхуулах хэрэггүй. Зарим талаар зөвхөн таны хардамтгай зангийн илэрхийлэл байж болох юм. Ганцаар байх боломж нь таныг тайвшруулж, хуримтлагдсан асуудлын тухай тайван тунгаан бодоход тусална. Тухайн үйл явцыг хурдлуулах эсвэл гаднын сөрөг хандлагуудыг засаж залруулах гэж хэт хичээх нь ашиг тусыг олохгүй. Учир нь үүсээд буй нөхцөл байдал нь таны хүсэл зорилгоос үл шалтгаалах бололтой.
Загас: Өнөөдөр ихэнх зүйл од эрхсийн нөлөөгөөр ойлгомжгүй байна. Өнгөрсөнд болсон үйл явдал таагүй үр дагавар авчрах болно. Гэхдээ шударга байж чадах юм бол ямар ч асуудлыг зохицуулж чадна. Мөнгө санхүү болон хайр дурлалын асуудал тийм ч амар шийдэгдэхгүй байх. Сэтгэл хөдлөл их байх учир ямар ч үйлдлийг хийхээсээ өмнө тооцоолох хэрэгтэй.
