Украины Гадаад хэргийн яам Крокус Сити Холл-д болсон террорист халдлагад Украин оролцсон гэх Оросын албаныхны буруутгалыг эрс няцааж байна.
"Иймэрхүү буруутгалыг Оросын нийгэмд Украины эсрэг хандах байдлыг улам ташуурдуулж, манай улсын эсрэг гэмт хэргийн түрэмгийлэлд оролцох Оросын иргэдийг дайчлах нөхцөлийг бүрдүүлэх, Украины нэр хүндийг Олон улсын нийгэмлэгүүдийн өмнө гутаах зорилгоор Кремлийн төлөвлөсөн өдөөн хатгалга гэж бид үзэж байна" гэж Украины Гадаад хэргийн яамны мэдэгдэлд дурджээ.
Мөн тус яам олон улсын хамтын нийгэмлэгүүдэд хандан Оросын хилс хэрэгт буруутгах оролдлогыг эрс няцааж, Украинд үзүүлэх дэмжлэгээ бэхжүүлэхийг уриалжээ.
Крокус Сити Холл дахь террорист халдлагад Украин оролцсон байж болзошгүй гэж ОХУ-ын Холбооны Зөвлөлийн Батлан хамгаалах, аюулгүй байдлын хорооны нэгдүгээр орлогч дарга Виктор Бондарев мэдэгдсэн. Түүний бодлоор бол болсон явдал нь "Украины террорист халдлага, хорлон сүйтгэх ажиллагаа" гэж үзэж байна хэмээн хэлсэн.
Украины Ерөнхийлөгчийн Тамгын газрын даргын зөвлөх Михаил Подоляк Крокус Сити Холл дахь террорист халдлагад Украин ямар ч холбоогүй гэдгээ мэдэгджээ.
Эх сурвалж: Medusa
