Цэнхэр хувцас өмсөх өдөр нь эрэгтэй хүний эрүүл мэндэд анхаарлаа хандуулах өдөр юм. Цэнхэр хувцас өмссөнөөр та эргэн тойрныхоо эрчүүдийг эрүүл амьдралын хэв маягийг удирдан чиглүүлэхэд нь дэмжлэг үзүүлж, тэдний сайн сайхан байдалд санаа тавьдаг гэсэн утга санаатай юм.
Зургаадугаар сард дэлхийн “Эрэгтэйчүүдийн эрүүл мэндийн сар” гэж явдаг бөгөөд тус аяны хүрээнд “Цэнхэр хувцас өмсөх” өдөрлөг нь эрүүл мэндээ дүгнэж, эрүүл мэндийн эрсдэлийн талаар илүү ухамсарлахыг уриалж буй хэрэг юм. Эрэгтэйчүүд эмэгтэйчүүдээс илүү эрүүл мэндийн үзлэгийг алгасдаг. Үүний зэрэгцээ тэд эрүүл мэндийн эрсдэлд орох магадлал өндөр байдаг. Өвчний хяналтын төвүүдийн мэдээлснээр эрэгтэйчүүдийн нас баралтын гурван гол шалтгаан нь хорт хавдар, зүрхний өвчин, осол юм.
